Educación
Validación dos cursos de iniciación e perfeccionamento para alumnos universitarios e licenciados
(D.O.G.: Nº 27. 8/2/89)
Orde do 19 de xaneiro de 1989, pola que se establece o procedemento para a concesión da validación dos cursos de iniciación e perfeccionamento da Lingua Galega para alumnos universitarios e licenciados.
De conformidade co contemplado na Lei 3/1983, do 15 de xuño, de Normalización Lingüísitca, esta Consellería
DISPÓN:
Artigo primeiro.
Validaráselle-lo curso de iniciación de Lingua Galega ós alumnos e licenciados que cursasen un ano de Lingua Galega na súa carreira.
Artigo segundo.
Validaráselle-lo curso de perfeccionamento da Lingua Galega ós alumnos e licenciados que cursasen, cando menos, dous anos de Lingua Galega na súa carreira.
Artigo terceiro.
Para obte-la validación dos cursos reseñados nos artigos anteriores, os interesados deberán face-la solicitude dirixida á Dirección Xeral de Política Lingüística da Consellería de Educación e Ordenación Universitaria, xuntando a correspondente certificación académica.
Santiago de Compostela, 19 de xaneiro de 1989.
Aniceto Núñez García
Conselleiro de Educación e Ordenación Universitaria
